നാല് ലക്ഷം വാര്‍ഷിക വരുമാനമുള്ളവര്‍ ആദായ നികുതി വകുപ്പിന്റെ നിരീക്ഷണത്തില്‍

ന്യൂഡല്‍ഹി: നാല് ലക്ഷം രൂപ പ്രതിവര്‍ഷം വരുമാനമുണ്ടായിട്ടും ആദായ നികുതി അടയ്ക്കാത്തവര്‍ക്കെതിര നടപടി വരുന്നു. ഇതിനുവേണ്ടി ടയര്‍ ടു, ടയര്‍ ത്രീ നഗരങ്ങളിലുള്ളവരുടെ വിവരങ്ങള്‍ ആദായ നികുതി വകുപ്പ് ശേഖരിച്ചുതുടങ്ങി.

ഈ വിഭാഗത്തില്‍ ആദായ നികുതി നല്‍കാത്ത ലക്ഷക്കണക്കിന് പേരാണുള്ളതെന്ന് കണ്ടെത്തിയിരുന്നു. അവരില്‍നിന്ന് നികുതി പിടിച്ചെടുത്താല്‍ വന്‍തുക സമാഹരിക്കാന്‍ കഴിയുമെന്നാണ് വകുപ്പിന്റെ പ്രതീക്ഷ.

നാല് ലക്ഷത്തോലം രൂപ വാര്‍ഷിക വരുമാനമുള്ളവരില്‍ 18 മുതല്‍ 20 ശതമാനംവരെ പേര്‍ റിട്ടേണ്‍ ഫയല്‍ ചെയ്യുന്നില്ലെന്നാണ് കണ്ടെത്തിയിട്ടുള്ളതെന്ന് പ്രത്യക്ഷ നികുതി ബോര്‍ഡ് അധ്യക്ഷ അനിത കപൂര്‍ പറയുന്നു.